| | | Abayobozi ba roho ba Legio Mariae bahuriye mu nama i Kigali ku wa 17-02-2025"
Kuri uyu wa 17 Gashyantare 2025, umuyobozi wa roho wa Legio Mariae ku rwego rw'igihugu, padiri Clet Nahayo yayoboye inama y’abayobozi ba roho ba Legio Mariae ku rwego rwa za Regia n’urwa za Diyosezi n'abakuru ba Senatus Kigali ku cyicaro cyayo. Bunguranye ibitekerezo ku butumwa bwa Legio Mariae muri rusange, uko ihagaze hirya no hino mu ma Diyosezi y’igihugu, banaganira ku nshingano z’ibanze z’umuyobozi wa roho, nyuma umukuru wa Senatus abagezaho amakuru ajyanye n’ubutumwa bwayo bunyuranye.
| | Amwe mu mafoto y'urugendo nyobokamana rw'abalejiyo i Kibeho ku wa 15-12-2024
Tariki ya 15 Ukuboza 2024, abalejiyo bari bakubise buzura ikibuga cy’ingoro ya Bikira Mariya i Kibeho. Bateraniye ku kibuga cy’ingoro ya Bikira Mariya i Kibeho mu gitambo cya Misa cyatuwe n’Umwepisikopi wa Diyoseze Gikongoro, Musenyeri HAKIZIMANA Selesitini. Yari akikijwe n’igisonga cye Myr Eugene Duhuzurukundo, ari nawe mukuru w’Ingoro hamwe na padiri Francois Halerimana (sac) bunganirana mu buyobozi bwayo, n’abapadiri 52 baturutse hirya no hino mu ma diyosezi y’u Rwanda baherekeje abalejiyo muri urwo rugendo, barimo umuyobozi wa roho wa Senatus Kigali, padiri Clet Nahayo. .
| | Impanuro y'umuyobozi wa roho wa Senatus i Kibeho kuwa 15 Ukuboza 2024
Tumaze kumenyera ingendo nyobokamana hano i Kibeho ku buryo bamwe bashobora gukeka ko dushimishwa no kwitemberera cyangwa se kurangiza umuhango dukurikiye abandi, nyamara ni ikintu kidufitiye akamaro cyane. Ni nayo mpamvu gitegurwa neza kugira ngo tuzagere ku ntego yacu.
| | IJAMBO RYA PRESIDENTE WA SENATUS I KIBEHO KU WA 15/12/2024
Imana ishimwe cyane yo yongeye kuduhuriza hano i Kibeho, tugasubukura uru rugendo rwari ruteganijwe mu kwezi kwa 10 k’uyu mwaka wa 2024. Twari dukeneye kuza hano kwa Nyina wa Jambo, tugahura nk’abana baje gusura umubyeyi. Turashimira abayobozi ba roho mu nzego zinyuranye badahwema kudufasha gutegura uru rugendo nyobokamana, bakadushishikariza ibyiza tururonkeramo iyo turuteguye uko bikwiye.
Legio Mariae mu Rwanda imaze kwaguka, murabizi ko muri uyu mwaka hashinzwe regia 2, ku Gikongoro no ku Nyundo. Dukomeze tubishimire Imana kuko twari tumaze iminsi tubishaka, ariko Yo yari izi igihe gikwiriye.
| | FRANK DUFF washinze Legio ya Mariya
Frank DUFF yavukiye i Dublin muri Irlande ku itariki ya 07/06/1889 mu muryango w’abakristu gatolika wifashije, ababyeyi be John Duff na Susan Freehill bombi bari abakozi ba Leta. Yari imfura mu bana barindwi.
Akirangiza amashuri yisumbuye (yari afite imyaka 18), Frank DUFF yahise atangira akazi ka Leta muri Minisiteri y’Ubuhinzi maze muri 1922 yimurirwa muri Minisiteri y’Imari. Frank DUFF yakoraga akazi ke neza, akaba umukozi ushimwa kandi wubashywe, witonda kandi ukundwa n’abantu. Yazamukaga mu ntera buri munsi, ku buryo bemeza ko yashoboraga no kugirwa Minisitiri.[Soma ibikurira...] |
|
| |
| | Mariya ugaba inema: udusabire | | |
|